Де Лаурентис сепак се премисли: Нема тренинзи за Елмас и соиграчите

Фудбалерите на Наполи сепак нема да тренираат.

Вчера клубот објави дека Елмас и друштвото ќе започнат со тренинзи на 25. март меѓутоа тоа нема да се случи. Како и сите останати екипи Наполи веројатно ќе чека да види каква ќе биде ситуацијата на 4. април за кога Фудбалскиот сојуз на Италија предложи екипите да се вратат на тренинзите.

Ова значи дека играчите на Наполи ќе останат во карантин и во наредните денови. Пандемијата во Италија прави хаос, а само вчера како последица од коронавирусот починаа дури 793 лица.