Дешамп би сакал да се врати на клупата на Јувентус

Селекторот на француската репрезентација, Дидие Дешамп не исклучува враќање на кормилото на Јувентус во блиска иднина.

Францускиот стратег помина пет години во тимот на „старата дама“ како фудбалер, а како тренер го предводеше тимот во Серија Б по скандалот со местење на натпревари.

„Јас веќе го водев Јувентус, иако тимот беше во деликатна ситуација во Серија Б“, изјави Дешамп.

„Тоа беше избор што го направив од срце. Му вратив на претседателот Ањели и неговото семејство за се што ми дадоа како фудбалер. Јас сум моментално тренер на репрезентацијата на Франција и сум среќен. Ќе видиме што ќе се случи во иднина, но секогаш посветувам сериозно внимание на Јувентус“, призна селекторот на „триколорите“.