Дефанзивецот на Челси: Иниеста не е добредојден на „Стенфорд Бриџ“

Фудбалерите на Челси утре на домашен терен ја пречекуваат Барселона во рамките од првиот наптревар од 1/8 финалето во Лигата на шампионите.

Ждребот сакаше во 1/8 финалето да се сретнат старите ривали Челси и Барселона кои во последните десетина години имаа навистина жестоки дуели во нокаут фазите од ова натпреварување.

Посебно болно за „сините“ е полуфиналето од 2009 година кога беа елиминирани од Барселона, а херој за Каталонците во тој натпревар беше Андрес Иниеста кој постигна погодок во последните моменти од натпреварот.

На еден ден пред почетокот на натпреварот, Цезар Азпиликуета порача дека Иниеста не е добредојден во Лондон.

„Андрес Иниеста не е добредојден н на „Стенфорд Бриџ“. Тој гол ја промени историјата и верувам дека навивачите на Челси се уште го чуствуваат во своите срца. Андрес и понатаму важи како кошмар за овој клуб и мислам дека нема да биде дочекан пријателски“, изјави Азпиликуета.