Детал кој скоро и да помина незабележано: Како Ракитиќ за овој старт не беше санкциониран? (ФОТО)

Барселона го победи Ливерпул со 3:0 во првото полуфинале во Лигата на шампионите.

Лионел Меси заслужено се слави како херој во победата на Барселона, свој допринос во победата даде и хрватскиот играч за врска Иван Ракитиќ.

Меѓутоа денес на спортските страници се разви дебата за еден старт на Ракитиќ уште во 10-тата минута од натпреварот над Наби Кеита. Се играше 10-тата минута кога Ракитиќ грубо од зад грб стартуваше врз Кеита.

Во прв момент тоа не изгледаше толку опасно, но ако се погледнат фотографиите може да се забележи дека Хрватот можеше сериозно да го повреди Кеита.

Кеита се превиткуваше на теренот после овој старт на Ракитиќ, меѓутоа судијата Бјорн Кјуперс на Ракитиќ не му покажа ниту жолт картон за овој старт.

Само 14 минути подоцна Кеита мораше да биде заменет, а Клоп остана без важен играч во средината на теренот.