Дома Фудбал Светско првенство во фудбал Дерби на денот: Хрватска сака да ја испрати Белгија дома

Дерби на денот: Хрватска сака да ја испрати Белгија дома

Денес на програмата се натпреварите од третото коло на Мундијалот, а најголемо внимание привлекува дуелот помеѓу Хрватска и Белгија.

Хрватска и Белгија беа два големи фаворити во оваа група и се очекуваше лесно да се пласираат во осминафиналето, но сега дојдоа во ситуација во меѓусебен дуел да одлучуваат кој ќе оди во осминафинале. „Коцкестите“ им е потребни и реми, додека „ѓаволите“ мора да одат на победа за да обезбедат пласман во нокаут фазата.

Хрватска има шанса да ја елиминира Белгија


Вака се слави гол во 120-та минута!!! ↓↓↓


Хрватска лошо го отвори Мундијалот со реми против Мароко, но во минатото коло запиша голема победа против Канада и како првопласирана на табелата го пречекува дуелот со Белгија. „Коцкестите“ се во одлична форма и атмосферата во тимот е на високо ниво, па сигурно ќе сакаат да го елиминираат големиот конкурент и да ја испратат Белгија дома. Она што е важно за тренерот Далиќ е што можеби најкритичната позиција во тимот, централен напаѓач, функционира добро. Крамариќ покажа дека е во добра форма, а Ливаја исто така постигна гол. Секако најсилната точка на оваа репрезентација е средниот ред, каде Модриќ, Ковачиќ и Брозовиќ повторно се очекува да одиграат клучна улога. Фактот што на „коцкестите“ им одговара реми ќе им дозволи да играат без притисок и да не бркаат резултат, туку да чекаат момент како да ја „ранат“ Белгија. Хрватска се држи во свои раце, а она што е важно е фактот што селекторот Далиќ може да смета на сите фудбалери и нема проблем со повреди.

Белгија – лоша атмосфера и лоша игра

Белгија е едно од најголемите разочарувања на ова светско првество, барем која е играта во прашање. Од оваа селекција секако се очекуваше многу повеќе и важеше за еден од фаворитите. Победија во првиот меч против Канада, но оставија впечаток дека незаслужено дојдоа до победата, а херој беше голманот Куртоа кој одбрани пенал. Дека Белгија е во слаба форма се виде на дуелот со Мароко каде беше поразена, па сега е во незавидна ситуација и мора да брка победа против Хрватска. Во медиумите почнаа јавни препукувања помеѓу репрезентативците, кои дури не можат да сокријат дека атмосферата во тимот е многу лоша. Притоа, недостасува најдобриот стрелец во тимот, Ромелу Лукаку, кој се рехабилитира од повреда, па и на овој меч не може да игра цели 90 минути. Играта на „ѓаволите“ многу зависи од Лукаку, па останува да се види дали селекторот ќе одлучи да го стави во стартниот тим или ќе го стави во текот на мечот. Се чини дека оваа репрезентација веќе го достигна својот зенит, но сепак има искуство и квалитет да одигра добро кога е најпотребно.

Очекување

Очекуваме тврд и неизвесен меч, но Хрватска е секако во предност бидејќи може да калкулира и да чека грешка на противникот. Од друга страна Белгија ќе мора да нападне, а тоа ќе отвори простор за контранапади на противникот.

Коментари
Прочитајте поврзани статии
Load More In Светско првенство во фудбал

Проверете

Новинарот ќе добие тужба: Рудигер ја објасни фотографијата која предизвика бурни реакции

Фудбалерот на Реал Мадрид и германската репрезентација Антонио Рудигер се најде во неприја…