Дерби на денот: Можат ли Сон и дружината да ги расплачат Бразилците?

Денес на програмата се осминафиналните натпревари од Светското првенство, а најголемо внимание секако привлекува дуелот помеѓу Бразил и Јужна Кореја.

Бразил ги оправда очекувањата и го освои првото место во групата каде беше голем фаворит, додека Јужна Кореја помалку неочекувано со победа во последното коло успеа да се пласира во осминафиналето.

Бразил ги оправда очекувањата и го освои првото место во групата каде беше голем фаворит, додека Јужна Кореја помалку неочекувано со победа во последното коло успеа да се пласира во осминафиналето.

Бразил е дојден во Катар по трофејот

Бразил е сигурно еден од главните фаворити за освојување на Светското првенство и во првите два меча против Србија и Швајцарија го покажа тоа. Во третото коло селекторот Тите имаше луксуз да излезе со резерврниот тим, па поразот од Камерун не беше болен. И покран фактот што „кариоките“ немаат среќа со повредите во Катар и уште на првиот меч го загубија најдобриот фудбалер, Нејмар, сепак покажаа дека можат без секого. Исто така поради повреди овој меч ќе го пропуштат Габреиел Жесус и Алекс Телеш, но и покрај тоа Бразил е голем фаворит во овој меч. Целта на оваа репрезентација е да ја освојат Божицата после цели 20 години и се друго освен победа на овој меч ќе биде големо изненадување.

За Кореја и ова е огромен успех

Јужна Кореја со пласманот во осминафиналето забележа огромен успех и веројатно тоа е и крајниот домет на оваа репрезентација со оглед на противникот. Кореја беше во исклучително тешка група, но остана непоразена против Уругвај, а во последниот меч против Португалија го одигра најдобриот меч и дојде до победа со гол во судиското продолжение (2:1). Настана големо славје во репрезентацијата, па мечот со Бразил сигурно ќе биде празник за оваа земја. Сон и дружината се апсолутни аутсајдери на овој меч, но сигурно нема лесно да се предадат. Ќе се обидат да се бранат и преку контранапади да постигнат гол против Кариоките, иако тоа ќе биде многу тешко.

Очекување

Бразил е апсолутен фаворит и очекуваме лесно да дојде до победа која најверојатно ќе биде изразена со повеќе голови.