Денковски: Двата пенали беа интуиција, Дориев е многу непредвидлив!

Eден од најистакнатите во претходното коло во македонското фудбалско првенство беше репрезентативниот голман на Македонија У21, Давид Денковски.

Иако Брегалница беше поразена сепак Денковски се истакна со неколку одбранети зицери, а најмногу со двата одбранети пенали на Егзон Бејтулаи и Љупче Дориев.

„Мило ми е за мојата приказна, но се ќе беше многу послатко ако освоевме бараме бод. Сепак, таков е фудбал, Шкендија беше подобрито тим и честитки до победа, сега се фокусираме на мечот со Силекс во купот“, истакна младиот голман за Спортски

Навистина не е често случај еден голман да одбрани два пенали, па имаше ли посебна подготовка?

„Не, со Дориев заедно трениравме во Академија Пандев и често шутиравме пенали. Тој е непредвидлив и тешко може да се подготвите однапред. Двата пенали беа интуиција, на крајот се испадна добро“, ни изјави Денковски.

Пред Брегалница сега е натпреварот од Купот против екипата на Силекс во среда од 13:00 часот.

Фото: ФК Брегалница