Денвер и без Јокиќ го победи Далас, Дончиќ скромен 🎥

Не видовме пресметка помеѓу Лука Дончиќ и Никола Јокиќ затоа што српскиот кошаркар се уште се опоравува од коронавирусот.

Сепак, тоа не беше пречка за Денвер да слави со минимални 98:97. Дончиќ имаше обид од половина терен со звукот на сирената да го спаси Далас, но не успеа.

Натпреварот Словенецот го заврши со 22 поени на кои додаде уште девет скока и осум асистенции, иако се работи за солидни бројки, ова е еден од најслабите учиноци на Дончиќ сезонава. Кај Денвер Хиланд беше најдобар со 29 поени.

По завршувањето на суспензијата Кајри Ирвинг се врати кај Бруклин и му помогна на својот тим да слави победа против Мемфис со 127:115. Со 26 поени натпреварот го заврши Кевин Дурант.

НБА РЕЗУЛТАТИ: Сакраменто – Детроит 137-129, Вашингтон = Шарлот 106-102, Бруклин – Мемфис 127-115, Кливленд – Мајами 113-87, Хјустон – Голден стејт 120-127, Далас – Денвер 97-98, ЛА Лејкерс – Сан Антонио 123-92.