Дел Пиеро: Никогаш не би дозволил играч како Манџукиќ да замине од Јувентус

Maрио Манџукич во зимскиот преоден рок го напушти Јувентус и направи трансфер во катарскиот Ал Дуахил и тоа голем дел од навивачите на „старата дама“ го оценија како погрешен потег.

Хрватскиот напаѓач од летото 2015 година го носеше дресот на Јувентус и стана миленик на навивачите, но со доаѓаето на Сари на местото на Алегри статусот на 34 годишниот фудбалер се промени.

Таа одлука на клупското раководство не е јасна и за легендарниот фудбалер на Јувентус, Алесандро Дел Пиеро.

„Јас да бев во клубот ќе го задржев Манџукиќ засекогаш во Јувентус. Поради она што го направи за клубот и поради начинот на кој играше за клубот. Јувентус во својот тим нема друг играч како него“, изјави Дел Пиеро.

Јувентус вечерва ја продолжува Серија А после три месеци и ќе гостува кај Болоња, а во овој натпревар Сари не ќе може да смета на Гонзало Игуаин кој е повреден.