Деле Али во реваншот со Манчестер Сити ќе игра со скршена рака

Фудбалерите на Тотенхем победија во вторникот против Манчестер Сити со 1:0 во првиот натпревар од четвртфиналето во Лигата на шампионите, но во тој натпревар се повредија двајва важни играчи на овој клуб.

И додека за Хари Кејн веќе се шпекулира дека нема да настапи до крајот на сезоната бидејќи повторно ги повреди лигаментите, за состојбата на Деле Али се знае многу малку.

Поточно кажано се знае дека има проблеми со повреда на раката и изгледа дека истата е скршена. Токму поради тоа Али го напушти теренот три минути пред крајот. Вчера се сликаше со раката со што го потврди проблемот.

И додека навивачите на Тотенхем чекаат официјални вести за неговата повреда, добија информација дека тој веројатно во реваншот ќе игра со скршена рака.

Тоа е само доказ дека за Тотенхем тоа ќе биде еден од најважните натпревари во сезоната. „Петлите“ сега имаат прилика за пласман во полуфинале и кој знае кога повторно.