Девојките од Индонезија кои освоија злато ќе добијат куќа или стана, 250.000 фунти и пет крави!

Грејсија Поли и Апријани Рахају од Индонезија освои злато на Летните Олимписки игри во бадминтон во женска конкуренција. По овој успех тие ќе бидат богато наградени од својата држава.

Како што е најавено тие ќе добијат куќа или стан по избор, 250.000 фунти и – пет крави!

Треба да се знае дека бадминтонот е многу популарен во Индонезија, па Поли и Рахају во овој момент имаат статус на божества. Освен споменатите награди неколку ресторани им ветиле дека ќе имаат бесплатна храна како благодарност за успехот, а во едно кафуле ќе имаат бесплатно кафе до крајот на животот.

Секако од сите награди најголемо внимание привлекуваат петте крави затоа што е нешто несекојдневно за награда за еден спортист. Меѓутоа кај нив кравата има посебен статус.