Двајца кандидати за нов тренер на Баерн – Еден од нив ќе биде на клупата на најголемиот германски клуб!

Томас Тухел си заминува од клупата на Баерн. Раководството на клубот е во потрага по нов тренер, а списокот се сведе на две имиња – Чаби Алонсо и Роберто Де Зерби.

Баерн Минхен игра сезона за заборав. Многу е реално дека баварскиот гигант ќе ја заврши сезоната без трофеј.

Меѓу навивачите на баварскиот гигант, Томас Тухел беше посочен како главен виновник за лошата сезона на најголемиот германски тим. Раководството на клубот веќе се договори со него за раскинување на соработката на крајот од сезоната, а постои можност тој да си замине и порано.

Клубот бара човек кој ќе го наследи. Многу имиња се поврзуваат со овој клуб, но се чини дека листата е сведена на две имиња – Чаби Алонсо и Роберто Де Зерби.

И двајцата тренери сакаат напаѓачки фудбал. Тоа го покажуваат со нивното феноменално раководење на Баер Леверкузен и Брајтон, а еден од нив речиси сигурно ќе седне на клупата на гигантот од Минхен.

Првиот избор е Чаби Алонсо. Баерн прави се за да го убеди својот поранешен фудбалер да дојде во Минхен, но тој засега молчи и е посветен само на Баер и освојувањето историска титула со Апотекарите.

Де Зерби засега е втор избор. Тој е многу почитуван во Минхен и тоа веќе никој не го крие.

„Макс Еберл има високо мислење за менаџерот на Брајтон, Роберто Де Зерби. Италијанецот моментално е втор избор зад Чаби Алонсо“, пишува Билд.