Дали ПСЖ случајно ги потврди сомнежите дека Верати го напушта клубот?! (Фото)

Италијанскиот репрезентативец, Марко Верати денес не се појави на првиот тренинг на ПСЖ пред почетокот на новата сезона.

ПСЖ денес ги стартуваше подготовките за новата сезона, а таму не се појави Марко Верати иако од францускиот клуб тврдеа дека Италијанецот ќе биде присутен. Овој потег на Верати само ги потврди гласините дека тој сака да ја напушти екипата и да премине во редовите на Барселона.

Иако ПСЖ не сака на било кој начин да ја потврди оваа инфомација, тоа го направија сосема случајно изгледа. Имено, денес францускиот состав постави нова насловна фотографија на својата официјална страна, а од Верати ниту трага ниту глас. Можеби токму ова е потврдата дека од следната сезона Италијанецот ќе игра на „Камп Ноу“.