Дали Кимих се прости од навивачите на Баерн?

Поранешниот генерален директор на Баерн Минхен, Оливер Кан и спортскиот директор Хасан Салихамиџиќ добија отказ веднаш по освојувањето на титулата во Бундеслигата.

Меѓутоа, медиумите тврдат дека тоа е само почеток и дека ова лето ќе има големи промени во баварскиот гигант.

Сѐ погласни се најавите дека би можел да замине и Џошуа Кимих, за кого интерес покажуваат неколку европски гиганти.

Неговото однесување по освојувањето на титулата додатно ги разгоре шпекулациите. Кимих најдолго се задржа кај навивачите и изгледаше како да се простува од нив.