Гундоган објасни зошто е добро и Ливерпул да биде силен

И оваа сезона Манчестер Сити и Ливерпул ќе водат главна битка за титулата во Англија.

Иако никогаш не треба да се опишуваат клубови како што се Челзи, Арсенал, Тотенхем и Манчестер Јунајтед, сепак факт е дека Сити и Ливерпул во овој момент се едно ниво погоре.

Илкај Гундоган, играчот за врска на Манчестер Сити смета дека добро за двете екипи да бидат во таква конкуренција.

„Мислам дека секогаш треба да се наоѓаме под притисок бидејќи можеме да победуваме во секој натпревар, таквиот притисок придонесува да играме подобро“, изјави германскиот репрезентативец.

„Факт е дека Ливерпул работи добро во последно време. Тоа е добро за лигата и за двата клуба, на тој начин меѓусебно си помагаме“, порача Гундоган.