Напаѓачот на Атлетико Мадрид, Антоан Гризман веќе некое време се поврзува со трансфер во Барселона, а дали тоа ќе се случи, како што тврди играчот, ќе се знае до сабота, кога шпанците го играат првиот натпревар на СП.
Зошто проблемот со улични кучиња СÈ УШТЕ постои? | Уште еден поткаст
Гризман е главна мета на Каталонците во овој преоден рок, а за значењето на неговото доаѓање на Камп Ноу зборуваше и првата ѕвезда на тимот Лео Меси.
Како ќе се заврши целата приказна би требало да се знае во текот на следната недела.
„Почнаа да ме нервираат тие приказни. Светското првенство почнува во сабота, тогаш го играме првиот натпревар, така да ќе се знае до тогаш. Поточно, се надевам дека ќе биде така. Сакам пред Мундијалот да знам каде ќе играм следната сезона.“ – изјави Гризман.
Околу неговиот статус зборуваше и селекторот Дешам, кој даде непрецизен одговор:
„Имам информации дека останува во Шпанија.“
Гризман ќе биде еден од најважните играчи на Франција на Мундијалот во Русија. Вицешампионот на Европа се наоѓа во групата Ц со Данска, Перу и Австралија, со која го игра првиот натпревар на 16. јуни.
Учество во игри на среќа е дозволено за лица со 18+ години. Играј одговорно!