Гравина: Италија не треба да се плаши од Македонија, туку од сопствените грешки

Репрезентацијата на Македонија доби тешка задача и во баражот за Светското првенство ќе играме со Италија на гостински терен.

За баражот сега зборуваше првиот човек на италијанската федерација, Габриеле Гравина. Тој верува дека Италија зависи од себе во натпреварот со Македонија.

„Во квалификациите промашивме два клучни пенали и сега ќе мора да играме во баражот. Прво ќе се соочиме со Македонија и сметам дека нашите фудбалери можат само самите себе да си бидат проблем. Мора да се плашиме од нашите грешки. Ако ние одиграме на нивото на кое знаеме и можеме тогаш без проблеми ќе се пласираме на СП“, изјави Гравина.

Ќе потсетиме подобриот од мечот Италија – Македонија ќе оди на дуел со победникот од натпреварот Португалија – Турција.