Го победија Арсенал, па дознаа трагична вест: Почина поранешен европски шампион

По вчерашниот натпревар помеѓу Порто и Арсенал во кој домаќините славеа со 1:0 од Португалија пристигна тажна вест. На 78-годишна возраст починал, Артур Жорж Барага де Мело Тешеира.

Фудбалската јавност во Порто најмногу ќе го памети кога како тренер на Порто му ја донесе титулата во Купот на шампионите во 1987 година. Тој починал како последица на долго и тешко боледување.

Во играчката кариера од 1965 година до 1978 година, Артур Жорж настапуваше за Порто, Бенфика, Беленсесе и Академика.

Титулата во Купот на шампионите на Порто му ја донесе откако во финалето овој тим го совлада Баерн со 2:1.