Го имаме првиот клуб кој наредната сезона ќе игра во Серија А!

Тимот кој го води порнашениот напаѓач на Милан, Пипо Инзаги обезбеди место во Серија А за наредната сезона.

Беневенто со стил влезе во друштвото на најдобрите. Овој тим со 24 бода предност го освои првото место кое го држеше од почетокот до крајот. Остварија 23 победи, седум нерешени и изгубија само на еден натпревар, постигнаа 56 гола и примија 15 на 31 натпревар.

Последниот клуб кој обезбедил промоција во Серија А на седум кола пред крајот беше Асколи во сезоната 1977/78.

За Беневенто ова ќе биде втора сезона во Серија А после 2017/2018.