Готово: Објавен датумот за продолжување на Бундеслигата!

Германскиот министер за здравство Јенс Спан изјави за „Билд“ дека фудбалската сезона во Бундеслигата може да започне повторно на 9 мај.

Сезоната беше прекината во средината на март поради пандемијата од коронавирусот. Германската фудбалска лига ги прекина натпреварите првично до 2 април, а потоа продолжи мерката на претпазливост против ширење на инфекцијата до 30 април.

„Користејќи го концептот на натпревари без публика, целосно е можно да се обнови сезоната. Најважно е да се осигура дека ризикот од зараза е минимален. Организирањето натпревари на 9 мај ќе биде добар знак за милиони љубители на фудбалот, иако трибините ќе останат празни“, прокоментира Спан.  

Лидер во првенството е Баерн, по одиграни 24 кола со 55 бода, а Баварците имаат 4 бода предност пред Борусија Дортмунд.