Готово: Надал објави – ја завршува кариерата!

Рафаел Надал пред турнирот во Барселона ги разреши сите дилеми, оваа сезона ќе биде последна во неговата кариера.

Шпанецот минатата година најави дека 2024 година може да биде последна во неговата кариера, а сега потврди дека ќе ја доигра сезоната по која ќе го напушти тенисот.

Едноставно проблемите со повредите беа преголеми за да продолжи.

“Две тешки години се зад мене. Работите се случуваат во телото и не можев да го следам распоредот што го посакував. Кога не можеш, не можеш. Ова е мојата последна година и сакам да уживам во секој момент“, изјави Надал пред турнирот во Барселона.

Надал во текот на кариерата освои 22 Грен слем турнири, првиот во 2005 година, дури 14 на Ролан Гарос, додека има вкупно 92 титули.