Готово: Бонучи се договори со ПСЖ

Леонардо Бонучи кој минатото лето пристигна како големо засилување од Јувентус, после само една година може да го напушти Милан.

Бонучи наводно е незадоволен од неизвесната клупска политика, сака амбициозен проект и веќе го известил раководството на „росонерите“ преку својот агент Александро Лучи дека сака да замине.

Денес италијанските медиуми пренесуваат дека Бонучи веќе постигнал договор со ПСЖ за четиригодишна соработка.

Во наредните денови неговиот агент Александро Лучи ќе ја претстави понудата на „светците“ до раководството на Милан.

„Росонерите“ минатото лето платија 42 милиони евра за неговиот потпис, па се претпоставува дека нема да го пуштат за сума помала од 40 милионие евра.