Голема победа на Рома: Во Рим пристигнува синот на легендата!

Екипата на Рома издвојува голема победа на трансфер пазарот!

„Волчицата“ го доведе крилниот напаѓач на Ајакс, Џастин Клајвер син на легендарниот фудбалер Патрик Клајверт.

Џастин има само 19 години, но со своите настапи во дресот на Ајакс го сврте вниманието на бројни европски клубови, а на крајот Рома беше таа која успеа да го доведе во своите редови.

Реномираната „Газета дело Спорт“ и познатиот новинар Фабрицио Романо, објавија дека работата е договорена. Спортскиот директор Мончи кој уште еднаш ја покажа својата генијалност и кралот на „меркатото“, Мино Раиола кој е застапник на младиот фудбалер, дефинирале детален договор на пет години.

#Roma director Monchi today had a meeting with Mino Raiola and found an agreement for Justin #Kluivert. The winger has accepted 5-years contract bid. Now, Roma will start talks with #Ajax and will try to finalize the deal (price around €20M). And Kluivert is waiting… ??

— Fabrizio Romano (@FabrizioRomano) May 30, 2018

Како што се пренесува останува само уште да се договрат Рома и Ајакс за висината на оштета, Ајакс бара сума од 35 милиони евра, но од Рома сметаат дека тоа е премногу за играч на кого договорот му истекува за само една година кога би можеле да го доведат и бесплатно.

Да потсетиме, претходно во Рома пристигнаа Анте Чориќ од Динамо и дефанзивецот на Порто, Иван Маркано кој вчера пристигна во Рим.