Годин го одби Мурињо, но го одбил и Атлетико

Уругваецот Диего Годин кој ова лето го одби Манчестер Јунајтед не го продолжил договорот со Атлетико, како што беше објавено.

Договорот на Годин со вицешампионот на Шпанија има важност до следната година, а иако се шпекулираше дека би можел да го продолжи до тоа нема да дојде.

Новиот капитен на „јорганџиите“ за кого ова лето се интересираа Манчестер Јунајтед и Јувентус потврди дека не го обновил договорот.

„Не го обновив договорот“, изјави Годин за шпанските новинари, па потоа додаде:

„Останав во Атлетико Мадрид поради лични причини. Ова лето имав неколку понуди, но ги одбив сите. Во новата сезона сакам со Атлетико да ја освојам Лигата на шампионите, но и да бидеме конкуренти во сите останати натпреварувања“, заврши Уругваецот.