ТОТЕНХЕМ загуби со 4:1 на домашен терен од Челзи во натпреварот од 11. коло на англиската Премиер лига.
Натпреварот го заврши со двајца играчи помалку по црвените картони на Кристијан Ромеро во 33. минута и Удоги во 55. минута од натпреварот.
Финале ЛШ: Реал Мадрид 15-та, или Дортмунд втора!? ↓↓↓
Џејми Карагер и Гери Невил направија стандардна анализа на играта за Скај Спорт.
„Гледам фудбал речиси 40 години и како неутрален гледач ќе кажам дека ова беше еден од највозбудливите натпревари што сум ги видел поради многу причини. Ова беше вистински доказ дека Премиер лигата е најдобрата лига во светот“, рече Карагер.
Невил додаде: „Прв пат видов тим кој загуби со 4-1 да добие овации. Тоа е луда, луда ноќ. Лудо од почеток до крај“.
Многумина се воодушевени од борбеноста на Спарс, кои не се откажаа ниту со двајца играчи помалку.
Челзи ја искористи бројчаната предност со хет-трикот на Николас Џексон и на тој начин ги освои трите бода во лондонското дерби.