Гигс го има решението за Погба, формулата „Роналдо“!

Манчестер Јунајтед се спротистави на понудите од Реал, го сочува Погба, но постои стравување како ќе се однесува Французинот, бидејќи сакаше да си замине.

Тој наводно ги уверил соиграчите во соблекувалната дека сигурно си оди, а сега ветил дека нема да прави проблем, односно, додека е тука, ќе даде се за тимот. Јунајтед стартува против Челзи, Солскјер не ја крие намерата околу Погба да ја направи екипата, многумина веруваат дека тој натпревар е меч со две острици.

Некои бројки се зачудувачки, минатата година Погба загуби 602 токпи во Премиер лигата, што звучи неверојатно, а последица на тоа е тоа што премногу ја задржуваше топката, како и забавувањето.

Дали постои решение? Споед Рајан Гигс постои.

„Таа ситуација ја видовме со Роналдо, кога ја држеше топката подолго од што требаше, Сколс го удираше по нозете на тренингот. За кратко време знаеше дека тоа ќе го добие и на натпревар, никој не сака да го тепаат. Читав како Компани објасни на крајот од минатата сезона пред одлучувачкото коло дека ги тепал соиграчите, со лоши стартови за да ги потсети што треба да прават на натпреварите. Тоа за жал ретко кој го прави на теренот, други времиња се, тоа и на Сити ќе му недостасува оваа година“, изјави Гигс.