Гендузи ги навредувал играчите на Брајтон: Вие сте сра*е, цел живот нема да заработите колку мене!

Фудбалерите на Арсенал во саботата доживеаа неочекуван пораз на гости против Брајтон, а овој натпревар го обележа и дуелот на Гендузи и Мапеј.

Искрите започнаа кон крајот на првото полувреме кога Бернд Лено ги скина лигаментите после дуелот со Мапеј. Овој играч до крајот на натпреварот беше мета на играчите на Арсенал кои вербално го навредуваа.

Но, токму Мапеј во последните секунди постигна гол за пресврт и победа на Брајтон од 2:1. Конфликтот со играчите на Арсенал го продолжи и после натпреварот.

Во главна улога беше Матео Гендузи кој одлучи физички да се пресмета со овој играч. Прво го фати за врат и го турна, а потоа се вклучија и останатите играчи.

Играчите на Брајтон после натпреварот открија дека францускиот играч се обидел да ги навредува на разни начини.

„Вие сте обично сра*е, заработувам повеќе отколку што вие ќе заработите во целиот живот“, им зборувал Гендузи на фудбалерите на Брајтон.