Гвардиола со критики до ФИФА и УЕФА: На фудбалерите им треба одмор

Стратегот на Манчестер Сити, Пеп Гвардиола испрати критики до ФИФА и УЕФА поради распоредот на натпревари на репрезентациите.

Во мартовскиот термин репрезентациите одиграа три натпревари во 10 дена. Кога на ова ќе се додадат и клупските натпревари јасно е дека фудбалерите имаат многу малку време за одмор.

Таквата ситуација јавно ја критикуваше Гвардиола.

„Фудбалерите имаат неверојатен менталитет, можат да играат и секој ден, но им треба одмор. Ова што го прават ФИФА и УЕФА е премногу. Малку фудбалери можат да го издржат ова темпо, не само физички, туку и ментално да бидат спремни да се натпреваруваат толку брзо со повеќе противници. Тоа не е возможно“, изјави Гвардиола.