Гвардиола проговори за „клаузулата Реал Мадрид“ во договорот на Халанд

Ерлинг Халанд продолжува да го импресионира фудбалскиот свет и синоќа постигна нови два гола во Лигата на шампиони.

Веќе подолго време кружат шпекулации дека Норвежанецот е голема желба на Реал Мадрид и дека во договорот има опција да го напушти Сити по две сезони.

Гвардиола ги демантираше ваквите гласини и нагласи дека Норвежанецот нема клаузули во договорот.

„Во договорот на Халанд нема клаузула за негова преселба во Реал Мадрид. Тоа не е точно. Имам чувство дека тој е пресреќен во Манчестер Сити и дека ќе остане со нас многу долго“, изјави Гвардиола.

Халанд од почетокот на сезоната има 19 погодоци во дресот на Манчестер Сити во сите натпреварувања.