Гвардиола: Попрво би отишол на Малдиви отколку да бидам тренер на Јунајтед и Реал

На „Олд Трафорд“ вечерва не очекува уште едно градско дерби во кое силите ќе ги одмерат Јунајтед и Манчестер Сити.

Клубовите од Манчестер се сретнуваат во рамките од полуфиналето на англискиот Лига Куп. Јасно дека Сити вечерва е фаворит бидејќи Јунајтед не игра баш најдобро, но веќе навикнавме дека во вакви натпревари се е можно.

Реакции од јавноста пред натпреварот привлече Пеп Гвардиола кој изјави дека никогаш во неговата кариера нема да ги води Манчестер Јунајтед и Реал Мадрид.

„Ако сум го тренирал Сити тогаш значи дека никогаш нема да го водам Јунајтед. Како што никогаш не би бил тренер на Реал Мадрид, дефинитивно никогаш. Ако некогаш добијам понуди од нив подобро би одел на Малдивите. Добро, можеби не на Малдиви бидејќи таму нема голф терени. Едноставно не сум човек кој тренирал еден клуб, а потоа оди во таборот на нивниот ривал“, порача Пеп“, изјави Гвардиола.