Гвардиола до Баерн: Да му се јавам на Меси, па да играме за седми трофеј

Баерн Минхен синоќа ја освои титулата на Светското клупско првенство и тоа беше шести трофеј на Баварците во последните осум месеци.

Баерн успеа да направи нешто што претходно и успеало само на Барселона, а тоа е да се освојат шест трофеи за помалку од една година.

Пеп Гвардиола, кој ги предводеше Баварците од 2013 до 2016 година му честиташе на Баерн за успехот, а испрати и интерсна честитка.

„Му честитам на Баерн Минхен, а најмногу на Флик. Горд сум на нив. Но би сакал да му кажам на Ханси дека Баерн е втора екипа која освои шест трофеи во една година. Барселона тоа го направи пред вас. Би можел да му се јавам на Меси и да одиграме за седми трофеј. Вие само кажете кога и ќе дојдеме“, се пошегува Пеп.

#MiaSanMia ❤️ @PepTeam pic.twitter.com/Qd071AqQTb

— 🏆🏆🏆 FC Bayern 🏆🏆🏆 (@FCBayern) February 11, 2021