Гвардиола го сака дефанзивецот на Аталанта

Манчестер Сити покажува сериозен интерес за дефанзивецот на Аталанта, Робин Госенс, пренесуваат италијанските медиуми.

Пеп Гвардиола е голем симпатизер на квалитетите на левиот бек и сериозно размислува да го доведе на „Етихад“ на лето.

Сити е во потрага по лев бек бидејќи на лето готово сигурно ќе се раздели со Зинченко, а Госенс е на врвот на листата желби.

26-годишниот Германец игра уште една фантастична сезона со Аталанта, а има договор со клубот од Бергамо до јуни 2022 година.

Поради тоа Аталанта ќе мора да го продава на лето, а Сити внимателно ја следи ситуацијата. Госенс оваа сезона на 30 меча има постигнато 9 гола и 6 асистенции.