Гвардиола ги руши сите рекорди за Иско

Иско повторно е незадоволен во Реал Мадрид и сериозно размисува да ја промени средината уште во зимскиот преоден рок, пренесуваат шпанските медиуми.

Со доаѓањето на Солари на тренерското столче, Иско падна во втор план и не добива голема минутажа, а од друга страна во репрезентацијата е незаменлив.

Иско никогаш не се избори за стандардно место во првиот тим, стѕатистиката вели дека од неговото доаѓање од Малага има одиграно само 60 цели натпревари, а на скоро 70% од натпреварите бил заменет или влегол од клупа.

Шпанските медиуми тврдат дека Иско сериозно размислува да побара трансфер, а таквата ситуација сака да ја искористи Пеп Гвардиола, кој никогаш не ги криел симпатиите за својот сонародник.

Неколку европски гиганти се заинтересирани за потписот на Иско, но Манчестер Сити е спремен да ги сруши сите рекорди во Премиер лигата и да понуди 150 милиони евра за неговиот потпис.