„Гардијан“ го избра најдобриот тим во Премиер лигата и предизвика полемики

Новинарите на угледниот „Гардијан“ ги избраа најдобрите 11 во досегашниот дел од сезоната во Премиер лигата, но изборот предизвика големи полемики.

Како се наближува крајот на сезоната во Премиер лигата, главното прашање е кој ќе биде избран за најдобар фудбалер – Кевин де Брујн или Мохамед Салах?

Двајцата секако се најдоа и во идеалниот тим на „Гардијан“ но најголема полемика предизвика изборот на Фирмињо за централен напаѓач. Бразилецот игра фантастична сезона, но јасно е дека не може да се најде во тимот пред Хари Кејн и Агуеро.

Фирмињо со 14 постигнати гола и статистички „заостанува“ зад Кејн и Агуеро кои имаат постигнато 24, односно 21 гол.

From Ederson to Firmino: Premier League team of the season so far | @SachinNakrani https://t.co/jC93nTP21k

— Guardian sport (@guardian_sport) March 29, 2018

Интересен е и изборот во одбраната, каде како стоперски пар е избран тандемот од Барнли, Бен Меј и Џејмс Тарковски. Додека на голот Едерсон од Сити е пред Де Геа од Јунајтед.

Mee's not had a better season than Azpilicueta, Vertonghen or Otamendi. Plus your bias for Liverpool has seen you pick Firmino over Kane. No doubt Firmino's been good, but Kane's been better.

— Pranav Shahaney (@PrSchadenfreude) March 29, 2018

Ова се најдобрите 11 според Гардијан
Голман: Едерсон (Манчестер Сити)
Одбрана: Кајл Вокер (Манчестер Сити), Џејмс Тарковски (Барнли), Бен Меј (Барнли), Ендру Робертсон (Ливерпул)
Среден ред: Абдулај Дукуре (Ватфорд), Кевин Де Брујн (Манчестер Сити), Давид Силва (Манчестер Сити)
Напад: Мохамед Салах (Ливерпул), Сон (Тотенхем), Роберто Фирмино (Ливерпул)