Галтие го брани Меси: Свирежите кон него немаат смисла, тој беше наш најдобар асистент и стрелец

ПСЖ вчера беше поразен од Лион во дербито од француското првенство, а и во овој натпревар во центарот на вниманието беше Лионел Меси.

Веќе е јасно дека Аргентинецот има лош однос со навивачите во Париз и вчерашниот натпревар на „Паркот на принцовите“ беше само доказ за таквата ситуација.

Пред почетокот на натпреварот Меси доби свирежи од трибините, додека сите останати негови соиграчи беа дочекани со аплази. Не остана и Меси без одговор, па така по завршувањето средбата единствен од тимот на ПСЖ без поздрав си замина во соблекувалната.

🚨🚨| Leo Messi’s name was booed at the Parc des Princes when his name was announced in the starting 11 today. 🇦🇷🎥pic.twitter.com/Zz68VxwoCZ

— PSG Report (@PSG_Report) April 2, 2023

Leo Messi was whistled once again by the PSG fans tonight in their 1-0 defeat to Lyon. #PSG 🔵 pic.twitter.com/H5Mi7mp6CQ

— Football Talk (@FootballTalkHQ) April 2, 2023

Тренерот на „светците“, Крситоф Галтие по натпреварот истакна дека не го разбира потегот на навивачите и застана во одбрана на Меси.

„Навистина не ги разбирам критиките кон него. Чекаме од него или Килијан да ја решат ситуацијата, тој ја води нашата игра и многу зависи целата креација на тимот од неговиот настап. Не можеме да се потпираме само на двајца играчи. Свирежите за Меси немаат смисла, тој беше наш најдобар стрелец и асистент во првиот дел одсезоната“, изјави Галтие.