Гави влезе во историјата на шпанскиот фудбал

Шпанските фудбалери вчера ремизираа со Чешка 2:2, во второто коло од „А“ дивизијата на Лигата на нации во Прага.

Првиот гол за „црвената фурија“ на овој меч го постигна младиот играч за врска на Барса Гави и со тоа влезе во историјата на шпанскиот фудбал.

Се играше третата минута од судиското продолжение на првото полувреме, кога Родри убаво го пронајде Гави, а тој ја затресе мрежата на Чешка и со тоа стана најмладиот стрелец за шпанската репрезентација во историјата.

Својот деби гол за репрезентацијата Гави го постигна на 17 години и 304 дена и никој помлад од него досега не бил стрелец.

Јасно е дека на суперталентираниот играч за врска му претстои блескава кариера, прашање е само дали ќе ја гради на „Камп Ноу“ или ќе ја напушти Каталонија и ќе најде нов клуб. Како нова потенцијална дестинација на Гави се споменува англиски Ливерпул.

⚽️ GOAL!

Gavi gets one back for Spain in the #NationsLeague 🇪🇸

Follow @ronard_addo to never miss any goal highlights#CZEESP | #LaFuriaRoja pic.twitter.com/MShkg6hc1N

— Follow @ronard_addo (@footievid) June 5, 2022