Српскиот претседател Александар Вучиќ во текот на Мундијалот знаеше да искоментира по нешто за најголемиот спортски настан, а сега даде коментар за кого ќе навива во натпреварот за трето место помеѓу Хрватска и Мароко.
Мароко е репрезентација која е вистински хит на Светското првенство. Станаа првата африканска репрезентација која играла полуфинале, а утре ќе се бори со Хрватска за бронзата. Вучиќ за финалето не откри за кого ќе навива, но во овој натпревар порача дека ќе навива за Мароко.
Салах руши рекорди! Викендов две големи дербија во Премиер Лига! ↓↓↓
„Во финалето не знам за кого ќе навивам, но знам за кого ќе навивам во натпреварот помеѓу Хрватска и Мароко. Ќе навивам за Мароко, тие се наши браќа. Вистински браќа затоа што никогаш не го признаа Косово. Тие имаат нивни проблем со Западна Сахара. Сега ќе ми кажете дека цел Нови Пазар навива за Мароко, а јас треба да кажам дека не навивам за нив зошто се муслимани? Епа, тие се нашите браќа“, изјави Вучиќ.
Вучиќ во продолжение од изјавата објасни дека секогаш навивал против Хрватска.
„Ги почитвам, одете на море во Хрватска, јас не сакам да одам. Навивајте за Хрватска, ве има можебе 11-12 отсто. Но јас не сакам. Им честитам на успехот, но јас навива за Аргентина и за сите други да бидам искрен“, додаде српскиот претседател.
Учество во игри на среќа е дозволено за лица со 18+ години. Играј одговорно!