Врие во соблекувалната на Барса: Започна општа побуна, а за се е виновен Меси

Лео Меси неодамна го продолжи договорот со Барселона, на општо задоволство на целиот тим, но најавеното доаѓање на Кутињо и најавите дека Каталонците сакаат да го купат Гризман ја зголемија температурата во соблекувалната.

Кутињо наводно веќе се договорил со раководството и ќе добива годишна плата од 14 милиони евра, што ќе биде трета највисока плата на „Камп Ноу“ после Меси и Суарез. Меѓутоа, тоа во целост ќе ја наруши платната структура во клубот, а се зборува дека платата на Гризман ќе биде и подобра од таа на Бразилецот, односно еднаква на онаа на Суарез.

Водач на побуната е Жерард Пике, еден од фудбалерите со најголемо влијание во соблекувалната. Тој предупреди дека ваквите потези се лудост, а неговото мислење го дели и тренерот Ернесто Валверде, кој од клубот бара единствено да доведе дефанзивец.

Шпанските медиуми пренесуваат дека Пике има плата од 9,5 милиони евра по сезона, колку и Иниеста. Но, Алба заработува околу 5 милиони, Бускетс 7, а Ракитиќ околу 6 милиони. Од првотимците најмала плата има Умтити кој заработува 3,5 милиони.

Во Барселона знаат дека ваквата ситуација е неодржлива, па сакаат да се ослободат од неколку фудбалери, пред се од Арда Туран чија плата е приближно 9 милиони евра, потоа Андре Гомеш, Вермален и Рафиња. Сите овие фудбалери заедно заработуваат повеќе од 20 милиони евра годишно.