Во најдобрите 11 на Рикардо Кака нема место за Меси

Бразилскиот фудбалер Рикардо Кака своите најдобри денови во кариерата ги помина во Милан, а во 2007 година беше избран за најдобар играч во светот.

Кака со Милан освои скоро се што можеше, но потоа се одлучи да направи трансфер во Реал Мадрид и тоа се покажа како не баш најдобар потег во неговата кариера. Но, Бразилецот секако може да биде горд на она што го направи играјќи за Сао Паоло, Милан, Реал Мадрид и Орландо, но и репрезентацијата на Бразил.

Во кариерата имаше прилика да игра со бројни големи ѕвезди, а сега одлучи да ги избере најдобрите 11 фудбалери. Најголемо изненадување во неговиот тим е што во составот го нема Лионел Меси.

Најдобрите 11 според Кака: Дида, Кафум Паоло Малдини, Алесандро Несто, Роберто Карлос, Андрес Иниеста, Андреа Пирло, Зинедин Зидан, Роналдињо, Кристиано Роналдо и „стариот“ Роналдо.