Во договорот на Пиоли со Милан има посебна клазула според која може да добие отказ

Стефано Пиоли од вчера и официјално е тренер на Милан.

После салбиот старт на сезоната Марко Џампаоло доби отказ на клупата, а на негово место „росонерите“ го доведоа 53 годишниот Пиоли.

Пиоли со Милан потпиша договор на две години вреден еден милион евра по сезона со дополнителни бонуси, но во неговиот договор има и откупна клазула според која може да биде сменет на крајот од сезоната.

Според клазулата договорот автоматски ќе му биде раскинат ако не заврши помеѓу најдобрите шест екипи во Италија и тоа единствената цел која ќе му биде поставена за оваа цел.

Секако и целта на Пиоли е да успее со тимот да се пласира во некое европско натпреварување.

„Дојдов со ентузијазам и страст. Убеден сум дека заедно можеме да направиме големи работи. Ги респектирам навивачите, но тие имаат право да ме критикуваат. Нивните критики се дополнителен мотив за мене. Во наредните 10 дена е важно да направам се и да ја искористам секоја прилика. Џампаоло е добар тренер, но е поинаков од мене“, изјави Пиоли на вчерашното претставување.

Претходно во кариерата Пиоли ги водеше Интер, Лацио, Фиорентина, Болоња…