Во договорот на новиот тренер на Барселона постои необична клазула

Претседателот на Барселона, Хозе Марија Бартомеу потврди дека во договорот на Кике Сетиен има клазула која се однесува на 2021 година кога се изборите за нов претседател на Барселона.

Барселона од пред неколку дена има нов тренер. Кике Сетиен потпиша договор на две ипол години и неговиот договор има важност до крајот на сезоната 2021/2022. Меѓутоа во наредната година има избори во Барселона и тоа имало влијание на договорот на Сетиен.

„Сетиен има договор на две ипол години, но може да замине и во 2021 година. Неговиот договор е потпишан до 2022, но изборите се во 2021 и во тој момент се активира клазула според која новиот претседател ако сака може да го отпушти Сетиен“, изјави за „Спорт“ првиот човек на Барселона.

Претходно во кариерата Сетиен беше тренер на Сатандер, Логроење, Луго, Лас Палмас и Бетис.