Влаховиќ на лето се сели во Премиер лигата

Душан Влаховиќ сериозно размислува да го напушти Јувентус на крајот на сезоната, пренесуваат италијанските медиуми.

Српскиот напаѓач не се снаоѓа баш најдобро во Јувентус, наводно играта на тимот воопшто не му одговара и е спремен да ја промени средината.

„Тактичка хармонија помеѓу Влаховиќ и Алегри не постои. Поради ова, но и поради проблемите кои ги има Јувентус надвор од теренот можна е разделба на лето“, пишуваат медиумите.

Јувентус исто така е спремен да слушне понуди бидејќи е во финансиски проблеми после големиот скандал и неизвесноста поради евентуалната казна.

Најсилен интерес за него покажуваат клубовите од Премиер лигата, пред се Манчестер Јунајтед и Челзи, кои нема да жалат пари за да го доведат во своите редови.