Вимболдон: Мареј и Нишикори убедливи на стартот!

Светскиот тенисер број еден и актуелниот освојувач на Вимболдон, Енди Мареј, запиша сигурна победа на стартот на овогодинешниот турнир.

Мареј во првиот меч одигран на Централниот терен го совлада Казакстанецот, Александар Бублик со 3:0 во сетови, при што му дозволи да освои само седум гејмови.

Британецот првиот сет го доби за половина час игра (6:1), за Бублик во вториот сет да пружи многу подобар отпор. Сепак Мареј со 6:4 стигна до 2:0 во сетови. Во третиот сет славеше рутински со 6:2.

Овој натпревар беше прекинат поради слаб дожд, а траеше еден час и 48 минути, Британецот во второто коло ќе игра протув Дастин Браун.

Сигурен на стартот беше и Кеи Нишикори кој го совлада Марко Сесињата без изгубен сет, 6:2, 6:2 и 6:0.