Вилијан: Во Арсенал дојдов да ја освојам Лигата на шампионите

Бразилецот Вилијан денес го промени клубот и по седум години во Челзи се пресели во градскиот ривал на „сините“, Арсенал како слободен играч.

Минатата сезона Арсенал заврши на осмата позиција меѓутоа обезбеди место во Лигата на Европа благодарение на трофејот во ФА Купот. Меѓутоа амбициите на тимот под водство на Артета се многу поголеми.

„Причината поради која сакав да потпишам тригодишен договор е што сакав да бидам дел од план. Разговарав со Артета и тој ми кажа дека сум му потребен на три години. Неговиот план е да се квалификуваме во Лигата на ша,пионите, а потоа и да ја освоиме затоа дојдов тука. Во Челзи поминав седум години освоив се освен Лигата на шампионите, се надевам дека со Арсенал ќе успеам во таа цел“, изјави Вилијан.