Видео: Њукасл го победи Арсенал дома после 13 години – продолжува „црната“ гостинска серија за „топчиите“

Денес во рамките од 34 коло во терминот од 14:30 часот во Премиер лигата беше одигран натпреварот помеѓу Њукасл и Арсенал.

Њукасл денес славеше победа над „топчиите“ со 2:1. За Арсенал овој пораз беше пети пораз во низа на гостински терен, што е нешто што прв пат му се случува на Венгер во долгогодишната кариерата на клупата на лондонскиот клуб.

Стартот на натпреварот не најаувваше ваков расплет. По една добра акција, Пјер Емерик Обамејанг во шеснаесетникот го пронајде Александар Лаказет кој постигна гол за 0:1 во 14 минута. Њукасл до изедначување стигна петнаесетина минути подоцна преку Ајзе Перез.

1:1 беше и резултатот со кој се замина полувремето.

Во вториот дел гледавме нешто посмирена игра и од двата клуба, без многу шанси на двете страни. Њукасл сепак успеа да искористи една од ретките. Во 68 минута Ричи погоди и ги постави конечните 2:1.

Треба да се спомене и дека за Њукасл ова беше прва победа против Арсенал на домашен терен после пауза од 13 години.