Видео: Хјустон ја продолжи серијата, шампионот лесно против Њујорк

Хјустон ја забележа 13-та победа во низа откако победи на гостувањето кај Јута. Шампионот без проблеми против Њујорк.

Иако Јута играше во одлична форма во последно време, „ракетите“ лесно се справија со мотивираните домаќини, триумфирајќи со двоцифрена разлика.

Џејмс Харден со 26 поени, 11 скокови и 5 асистенции беше прв стрелец во редовите на „Ракетите“, кој на овој натпревар настапија без неколку играчи. Импресивна партија пружи и Мба а Муте, кој средбата ја заврши со 17 поени од кои дури 15 ги реализираше во последната четвртина со 100% шут.

Резултати:

Атланта – ЛА Лејкерс 104:123
Бостон – Мемфис 109:98
Бруклин – Чикаго 104:87
Њујорк – Голден Стејт 111:125
Торонто – Детроит 123:94
Њу Орлеанс – Феникс 125:116
Оклахома – Орландо 112:105
Далас – Индијана 109:103
Јута – Хјустон 85:96
Сакраменто – Минесота 100:118