(Видео) Прв „кикс“ на Реал, Валенсија од Мадрид си замина со бод

Фудбалерите на Реал Мадрид изминатата вечер одиграа натпревар против Валенсија на „Сантиаго Бернабеу“.

После 90 минути во шпанската престолнина немаше победник, Реал и Валенсија, одиграа одличен натпревар кој на крајот заврши 2:2.

Поведе Реал во десетата минута, преку Марко Асенсио кој ја искористи грешката во одбраната на гостите и постигна прекрасен погодок. Само осум минути подоцна Валенсија стигна до израмнување, а стрелец беше Карлос Солеро.

До крајот на полувремето Реал се закануваше преку Марсело и Бензема, но резултатот не се промени, на одмор се замина со 1:1.

Во вториот дел Реал продолжи со нападите, додека Валенсија првата прилика после погодокот на Солеро ја создаде во 73 минута и тоа од слободен удар преку Дани Парехо. Иако, Реал беше тимот кој создаваше повеќе шанси, само четири минути по слободниот удар на Парехо, Валенсија стигнува до предност, а стрелец беше новајлијата од Интер, Кондогбија.

Реал продолжи да напаѓа се играше 82 минута кога Ковачиќ падна пред шеснаесетникот, а главниот судија на натпреварот досуди слободен удар од кој Асенсио погоди за израмнување.