ВИДЕО: Лихтенштајн испратен со четири „парчиња“, Македонија на чекор од плејофот за ЕП 2020!

Maкедонија вечерва го одигра третиот натпревар во Лигата на Нации во кој ја оправда фаворитската улога и го задржа максималниот учинок во групата во која сме фаворити.

Избраниците на Игор Ангеловски денес со 4:1 беа подобри од аутсајдерот Лихтенштајн.

Македонија рано, во 10-тата минута после одличната асистенција од Пандев и реализацијата на Александар Трајковски стигна до водство од 1:0. После погодокот нашата селекција продолжи со сигурната игра и создавањето шанси пред противничкиот гол.

За нов погодок се чекаше до 30-тата минута кога повторно во главна улога беше тандемот Пандев – Трајковски. Капитенот повторно беше асистент, а Трајковски стигна до вториот погодок. Само шест минути подоцна Пандев и самиот се запиша во листата стрелци.

Единствениот погодок гостите го постигнаа една минута подоцна кога грешката на Муслиу ја искористи Јилдиз за намалување на 3:1, резултат со кој се замина на полувреме.

Во вториот дел одново гледавме сигурна игра, а точка на натпреварот стави Егизијан Алиоски во 68-тата минута со одличниот соло продор.

После оваа победа Македонија се зацврстува на првата позиција со девет освоени бодови и во следните три натпревари потребни ни се уште четири бодови за пласман во плејофот од Лигата на Нации.

https://www.facebook.com/SportisimoMakedonisimo/videos/2182044928732160/

https://www.facebook.com/SportisimoMakedonisimo/videos/487143511787526/

https://www.facebook.com/SportisimoMakedonisimo/videos/280324672585762/

https://www.facebook.com/SportisimoMakedonisimo/videos/1919360881477576/