Видео: Деле Али со два и Ериксен со еден – еврогол, го срушија Челзи во лондонското дерби!

Денес во рамките од 32 коло во англиската Премиер лига во терминот од 17:00 часот беше одиграни лондонското дерби помеѓу Челзи и Тотенхем.

Челзи и Тотенхем ни приредија навистина одлична фудбалска претстава која беше зачинета со маестралниот гол на Кристијан Ериксен во финишот од првиот дел, на крајот резултатот гласеше 1:3.

Алваро Мората го прекина постот во Премиер лигата и по лошата проценка на голманот на гостите успеа да ја смести топката во мрежата на „петлите“. Во финишот од полувреме Мозес погреши во одбраната на Челзи, а на крајот топката стигна до Данецот Ериксен кој со фантастичен удар го совлада немоќниот Вили Кабаљеро.

Во вториот дел Тотенхем беше тимот кој подобро започна, а добрата игра им се исплатеше во 62 минута кога Деле Али погоди за целосен пресврт. Само четири минути подоцна истиот играч стигна и до нов погодок за 1:3, резултат кој на крајот се покажа како конечен.

Со  оваа победа Тотенхем направи огромен чекор кон пласманот во Лигата на шампионите и сега има осум бодови предност во однос на денешниот противник.