Видео: Бронзата за Белгија, само четврто место за Англија

Репрезентацијата на Белгија го оствари најголемиот успех во својата фудбалска историја и го освои третото место на Мундијалот во Русија.

„Црвените ѓаволи“ заслужено стигнаа до бронзата откако со 2:0 ја победија англиската репрезентација во „малото финале“.

Повратникот во тимот Томас Муние уште во 4-та минута го отвори резултатот после една убава акција. Белгија беше подобра во целото прво полувреме и создаде неколку изгледни шанси.

Meunier gives #BEL⁠ ⁠the lead against #ENG! #WorldCup⁠ ⁠ pic.twitter.com/uGhWCeJth8

— FIFA World Cup (@WorIdCupUpdates) July 14, 2018

Англија подобро го отвори второто полувреме, а најзрелата шанса ја имаше Ерик Даер во 70-та минута кога го совлада Куртоа, но топката од гол линијата ја извади Алјдервајлед.

Казната стигна во 82-та минута, Де Брујне одлично го проигра Азар кој од пет метри го матираше Пикфорд за најголемиот успех во историјата на Белгија.

Hazard seals it for Belgium! #WorldCup⁠ ⁠#BELENG pic.twitter.com/9iYbIx9bqh

— FIFA World Cup (@WorIdCupUpdates) July 14, 2018